Mashtruan BE dhe morën fonde për kullota inekzistente, 25 arrestime

Një aksion blitz është zhvilluar kundër “mafies së kullotave” në të gjithë Italinë.

Janë të përfshirë 75 persona, me 25 masa paraprake personale, 16 kontrolle dhe konfiskime parandaluese midis Abruzzo, Puglia, Trentino Alto Adige, Piemonte, Lombardia, Veneto, Liguria, Emilia Romagna, Lazio dhe Campania.

Të dyshuarit mashtruan Bashkimin Evropian për të futur në xhep miliona euro fonde publike për kullota që nuk ekzistojnë. Operacioni maksi “Transhumance” u zhvillua nga policia financiare e Pescara-s, i koordinuar nga DDA e Prokurorisë së L’Aquila.