Një shqiptar që dyshohet se ka kryer një grabitje të armatosur në shtëpinë e yllit anglez Raheem Sterling është arratisur drejt Shqipërisë, sipas “The Sun”.
Media angleze raporton se sipas të dhënave, 44-vjeçari Henri Osmani ka hyrë në atdhe në datën 18 korrik.
“The Sun” shkruan se ministri i Brendshëm Taulant Balla ka theksuar se “asnjë shqiptar që ka kryer krime në Mbretërinë e Bashkuar nuk duhet të mendojë se mund të fshihet në vendin tonë”.
Policia angleze është në kërkim edhe të 48-vjeçarit Alfred Isufi dhe 22-vjeçarit Gerard Kalaja, që dyshohet se janë në arrati jashtë Shqipërinë. Një tjetër i dyshuar do të dalë para gjykatës vitin e ardhshëm.
Sipas hetimeve, grupi është i lidhur me 33 grabitje në Surrey , Essex , Kent dhe Herts.
Discussion about this post