Sipas burimeve, pista kryesore për vrasjen e Fatjon Dervishit në Sukth të Durrësit është hakmarrja.
Viktima është person pa precedentë penal, por vëllai i tij është i akuzuar për vrasjen e një personi tjetër.
Ngjarja ka ndodhur jashtë kufijve të Shqipërisë.
Përsa i përket dinamikës së ngjarjes, 38-vjeçari nuk ka qenë i vetëm në makinë. Ai ka qenë i shoqëruar nga një mik i tij kur është qëlluar me breshëri kallashnikovi, në zonën e shinave.
I marrë në pyetje si dëshmitar okular, miku i viktimës është shprehur se ata kanë qenë në makinë, kur janë qëlluar me breshëri automatiku. Ndërkohë që policia dhe prokuroria e Durrësit, që po punojnë për zbardhjen e kësaj ngjarjeje kanë sekuestruar disa kamera sigurie të banesave, por dhe bizneseve ne Sukth, me qëllim identifikimin e ndonjë gjurme nga ana e autorëve.
Discussion about this post