“Shqiptarët do të jenë mirënjohës për vëmendjen tuaj”, Basha mesazh falënderimi për Merkel

Kryetari i PD-së, Lulzim Basha ka shpërndarë në rrjetin social Twitter, një mesazh falënderimi për Angela Merkel e cila u largua nga jeta politike gjermane.

Sipas Bashës, Shqipëria, Kosova dhe shqiptarët do të jenë përjetë mirënjohës për vëmendjen e treguar nga Kancelarja gjermane.

“Falemnderit Angela Merkel! Lidershipi juaj, në kohëra shumë të trazuara që kaloi bota, është një shembull frymëzues. Angazhimi juaj e bëri Europën më solidare, të bashkuar dhe të aftë të kalojë kriza jo të lehta. Shqipëria, Kosova dhe shqiptarët do të jenë përjetë mirënjohës për vëmendjen tuaj. Gjithë të mirat në jetën tuaj dhe suksese në angazhimet e ardhshme” – shkruan Basha në Twitter.