Ernest Muçi është emri më i lakuar mes legjionarëve në ditët e fundit.
Sulmuesi i Legias së Varshavës shkëlqeu në kampionatin polak, por edhe Conference League, duke bërë që mediet evropiane të përmendin emrin e tij.
Por, Muçi ka marrë një tjetër vlerësim, këtë herë nga UEFA.
“Ernest Muçi, mbajeni mend këtë emër”, shkruan UEFA në faqen e Conference League.
22-vjeçari i Kombëtares kuqezi e ka nisur mirë sezonin, teksa ka marrë vendin e titullarit te Legia. Në shtatë ndeshjet e këtij sezoni në kampionat, Muçi ka shënuar tre herë, ndërsa katër herë të tjera ka gjetur rrjetën në Conference League.
Me kontratë deri në verën e 2025, Muçi është “xhevahiri” i Legias, me tifozët në Varshavë që janë të dashuruar pas lojës së tij.
Discussion about this post