Përsëritja e punimeve është një tjetër taktikë e Veliajt, përmes së cilës fiton shumë para vetëm për një projekt. Pak muaj më parë Gijitina.com tregoi se si Bashkia Tiranë zhvilloi një mega aferë për rikonstruktimin e terreneve sportive, ku ikën miliona lekë në shkelje të ligjit dhe asnjë masë nuk u mor.
Ndërkohë Veliaj ka hapur një tjetër tender abuziv me objekt “Mirëmbajtje e thellë në terrenet e jashtme sportive”. Tenderi po organizohet nga Drejtoria e Përgjithshme e Objekteve Publike Tiranë, që është në varësi të Erion Veliajt.
Për këtë tender janë lënë në dispozicion 197 milionë lekë. Kjo është një shumë e madhe për t’u investuar sepse godinat janë në proces rikonstruksioni dhe “mirëmbajtja e thellë” do të zgjasë 90 ditë (3muaj). Për më tepër prokurimi ka shkelur çdo rregull.
Shohim që janë 3 operatorë që kanë paraqitur ofertat e tyre për këtë tender. Por, siç e ka zakon Veliaj, dy prej tyre janë përjashtuar në fazën e parë dhe mbeti e vlefshme vetëm dosja e firmës “Ulza shpk”, në pronësi të Ndue dhe Nikolin Shpani.
Në këto kushte firma e tyre me ofertë 190 milionë lekë, sa 90% e fondit limit, e mori si dhuratë këtë kontratë. Ky prokurim është shënuar me “red flag” nga monitoruesi Open Data Albania, sepse mbart risk të lartë korrupsioni të Lali Erit me fondin në dispozicion.
Sakaq vlen të përmendet se kemi të bëjmë me një tjetër rast ku për çështje parash e aferash të majtët dhe të djathtët bëhen bashkë. Kujtojmë se Ndue Shpani është ish- deputet demokrat.
Gjatë kohës që Ndue Shpani ishte deputet i Partisë Demokratike (2005-2009), të gjitha aksionet (100%) ai ia “shiti” të vëllait Nikolin Shpanit, për shumë e 100 milionë lekëve. Ndërkohë, disa vite më pas, Nikolin Shpani i dhuron të vëllait 70% të aksioneve që dikur i bleu me lekë.
Vlera e këtyre aksioneve në vitin 2017 ishte plot 450 milionë lekë të vjetra. Dhe kuptohet se e gjithë kjo lëvizje me shitje dhe dhurime është bërë sa për të shmangur konfliktin e interesit, meqenëse Ndue Shpani u bë deputet. Por, tani që nuk e ka më këtë status, Shpani ka rimarrë një pjesë të aksioneve dhe po vazhdon abuzimet i ndihmuar nga lidhjet politike të nëndheshme me Lali Erin.
Discussion about this post