Emri Maria i nënës së Krishtit, është shqiptar. Kështu u shpreh Sazan Guri i ftuar në “ABC e Mëngjesit”, ndërsa iu referua studimeve të tij për këtë konkluzion.
Ai ka theksuar se Maria është emër ‘mbarësi’, po të vësh ‘b’ në gjuhën toskërishte është mbarë, Maria ‘mar’ është në gjuhën gegërisht.
“Ta marrim seriozisht, faktet dhe librat janë të shumta, por e vetmja gjë është që shqiptarët bëjnë shumë aq sa nuk bën dot Europa bashkë, por shkruajnë pak dhe nuk dinë fjalë.
Edhe Maria është emër ‘mbarësi’, po të vësh ‘b’ në gjuhën toskërishte është mbarë, Maria ‘mar’ është në gjuhën gegërisht dhe Finiqi kishte 9 mijë emra në praktikë dhe 500 emra i ka nëpër libra kishtarë, 500 emra Marie, 200-300 para Krishtit.
Pra, aq emër i përdorur si në Veri apo dhe në Jug në atë kohë, sa që është një emër pothuajse zyrtar dhe Maria nuk ka si shpjegohet ndryshe se etimologjia e fjalës, thotë i madhi Albert Nikollaj, se kuptimi i fjalës dhe i emrit, qendron brenda emrit. Për shembull, në qoftë se ti thua Afërdita dhe ata e shpjegojnë ‘shkuma e detit’, nuk ka lidhje, kuptimi është brenda emrit, ‘afër ditës’”, tha ndër të tjera Guri.
Discussion about this post