Shkëmbim zjarri në Francë, 3 të plagosur. Arrestohet shqiptari (Detajet)

Tre persona janë plagosur pas një shkëmbimi zjarri në Avenue de Thionville në Metz të Francës.

Policia franceze nuk bën me dije kombësinë e të plagosurve, por ata janë të moshës 34, 31 dhe 21 vjeç, të cilët janë transportuar drejt spitalit të Mercyt, jashtë rrezikut për jetën.

Sipas burimeve policore, për ngjarjen e rëndë, ku pasur rreth 10 të shtëna me armë, është arritur të vihet në pranga një 39-vjeçar shqiptar nën akuzat “tentativë vrasje”, “armëmbajtje pa leje të kategorisë B” dhe “dhunë e rëndë”.

Disa orë pas ngjarjes, lokali dhe snack bari, në pronësi të të dyshuarit, janë goditur rreth 20 herë me armatim të rëndë të llojit kallashnikov.