Ish-Kryeministri Sali Berisha ndërsa denoncoi blerjen e votave në Kukës, foli edhe për një përgjim të realizuar nga SHISH mes një zyrtari të lartë dhe drejtorit të OSHEE për një tender disa miliona lekësh.
Berisha tha se nuk mund të thotë nëse ky përgjim i është dorëzuar SPAK apo njo, por shprehu siguri që atë e ka Kryeministri Edi Rama, i cili ushtron presion ndaj zyrtarit të lartë të PS-së dhe drejtorit të OSHEE.
“Në Kukës, siç kam referuar këtu, zgjedhjet u blenë në mënyrë të pamëshirshme.
Belinda Balluku dhe Taulant Balla janë marrë me shpërndarje parash një javë rresht me thasë në Kukës. Rezultatin e përcaktoi industria e blerjes së votës.
Në një vend ku drejtësia është në kontroll total, nuk ka asnjë shpresë përveç revoltave.
Që në muajin prill në një lokal në Kukës, janë ulur fatkeqësisht një zyrtar shumë i lartë i PS me drejtorin e OSHEE-s së qarkut. Tavolina ka pasur përgjues dhe në këtë përgjim është e regjistruar se është bërë pazari që drejtori i OSHEE do të bëjë një tender me x miliona lekë nga të cilat, 300 mijë euro do iknin në Tropojë, 200 mijë në Kukës. Shtyllat e tensionit do të vendoseshin në HAS, ndërsa restoja në Durrës.
SHISH që ka qenë institucioni, që ka vendosur përgjuesin, përgjimin ia ka sjellë Edi Ramës.
Nuk kam të dhëna, se nuk do ta akuzoj sot SPAK, s’di që Rama të ketë çuar të dhënat. Por Rama e mban përgjimin aty se do të mbajë peng zyrtarin.”, tha Berisha.
Discussion about this post