Klodiana Vefa, 35 vjeç, u vra me tre plumba mbrëmjen e së enjtes në Itali. Autori i dyshuar i krimit është Alfredi, bashkëshorti i viktimës, i cili po kërkohet nga policia italiane.
Çifti kishte dy fëmijë, 1 vajzë dhe 1 djalë, përkatësisht 14 dhe 17 vjeç.
Sipas raportimeve, Alfredi ishte larguar nga shtëpia sepse mes çiftit kishte pasur probleme, por ende ata ishin ndarë zyrtarisht.
Shkak për tragjedinë dyshohet të ketë qenë xhelozia e Alfredit.
Klodiana kishte një faqe në Instagram në të cilën postonte vazhdimisht.
Nëse lundron në vitet e shkuara gjenden dhe kujtime me Alfredin i cili kishte një tatuazh dedikuar gruas së tij “në zemrën time je vetëm ti amore”.
Ndërkohë dhe 35-vjeçarja nuk i kishte fshirë fotot me partnerin, pavarësisht situatës kohët e fundit.
Ka dhe komente që janë ende në Instagram-in e viktimës.
“Kush të do nuk dorëzohet kurrë për të të pasur”, shkruante Klodiana.
“Një si ty nuk mund të mos e dashurosh përjetë”, komentonte Alfredi.
Fatkeqësisht gjithçka u mbyll me vrasjen e Klodianës, ndërsa Alfredi është në arrati bashkë me armën e krimit.
Discussion about this post