Ambasada e SHBA-së në Serbi ka reaguar lidhur me vendosjen e trupave serbe përgjatë kufirit me Kosovën, ku kanë shpërndarë në “X” njoftimin e sekretarit Antony Blinken për bisedën telefonike që ka pasur me presidentin e Serbisë, Aleksander Vuçiç lidhur me tensionet dhe sulmin terrorist të 24 shtatorit në veri.
Blinken në telefonatën e tij me presidentin serb ka kërkuar që de-eskalim të menjëhershëm dhe ka thënë se autorët e sulmit terrorist që sot po mbahen në Serbi duhet të japin llogari.
“Sekretari i Shtetit Blinken: “Kam folur me presidentin Vuçiq me qëllim që të theksohet domosdoshmëria e një de-përshkallëzimi të menjëhershëm të tensioneve me Kosovën dhe të thirren në llogari përgjegjësit për sulmet e fundit të dhunshme. Theksova gjithashtu rëndësinë e zbatimit të plotë të detyrimeve të marrëveshjes së normalizimit në kuadër të dialogut me mbështetjen e BE-së.”
Më herët gjatë ditës së sotme ambasada amerikane në Serbi u kritikua nga profesori amerikan Edward Joseph se nuk kanë bërë asnjë reagim, edhe pse kanë kaluar disa orë nga thirrja e SHBA për terheqjen e trupave serbe gjatë kufirit me Kosovën.
Discussion about this post