Ilir Alimehmeti, kreu i grupit të këshilltarëve demokratë në Bashkinë e Tiranës, përmes rrjeteve sociale, i ka bërë jehonë investigimit të gazetares Arbjona Çibuku lidhur me atë që e konsideron si mashtrimin e Erion Veliajt me pyllin Orbital.
Alimehmeti shkruan se pylli orbital është një mashtrim i madh, ndërsa shton se që Pylli Orbital nuk ekziston dhe është vetëm një re pluhuri betoni në sytë e qytetarëve, e kemi denoncuar vazhdimisht në publik, në media dhe, më pas, në komisionet e Bashkisë Tiranë.
Në fund të postimi të tij, në të cilin përmbledh edhe copëza nga investigimi i gazetares, Alimehmeti shkruan se Shqipëria duhet të kishte më pak Erjona dhe më shumë Arbjona.
Postimi i Ilir Alimehmetit
Që Pylli Orbital është një mashtrim i madh është e qartë nën sytë e të gjithë qytetarëve!
🚫 Për Pyllin Orbital, vetë Kontrolli i Lartë i Shtetit, më 24 nëntor 2022, deklaron në raportin e tij se:
⚠ “Bashkia e Tiranës nuk ka as hapësirën dhe as fondet për pemët”.
🚫 Që Pylli Orbital nuk ekziston dhe është vetëm një re pluhuri betoni në sytë e qytetarëve, e kemi denoncuar vazhdimisht në publik, në media dhe, më pas, në komisionet e Bashkisë Tiranë.
🚫 Sërish më 5 korrik 2022, Kontrolli i Lartë i Shtetit konstaton se:
⚠ “Zhvillimi i pakontrolluar urban ka shkaktuar ulje të raportit për frymë të hapësirave të gjelbra’.
⚠ Raporti i hapësirave të hapura të gjelbra për 100,000 banorë është shumë i ulët dhe sipas KLSH-së, është i papërfillshëm krahasuar me normën minimale të parashikuar nga Organizata Botërore e Shëndetësisë dhe njësoj e papërfillshme krahasuar me vendet e rajonit.
✅ 9m2/banor është raporti i këshilluar nga Organizata Botërore e Shëndetësisë.
❗ 0.46m2 /banor raporti i sipërfaqeve të gjelbra në Tiranë.
❗ 20 fish më pak se rekomandimi.
🙏 Në këtë kontekst mashtrimi të madh, falenderoj nga zemra profesionistët e gazetarisë investigative dhe profesionale, të cilët edhe pse të paktë në numër kanë një cilësi tejet të lartë.
💪 Dhe faktikisht, profesionistja e gazetarisë, Znj. Arbjona Çibuku, më 27 Prill 2023, botoi në Citizens Channel artikullin e saj të plotë me titull:
❗ “Pylli Orbital i Tiranës është 200 vite larg”, duke përmbledhur me fakte dhe shifra realitetin e trishtë të kësaj gënjeshtre me kosto qindra miliona.
🌐 Së fundmi, por në fakt më e rëndësishmja, Prezenca e OSBE-së në Shqipëri, më 18 Shtator 2023, e çmon znj. Arbjona Çibuku me çmimin e parë në konkursin për Verifikimin e Fakteve 2023 gjatë Forumit për Zhvillimin e Medias.
🙏Duke vlerësuar punën profesionale të znj. Çibuku, OSBE-ja qartësisht mbështet dhe mbron të vërtetat e paraqitura në artikull dhe çjerr maskën e Kryetarit në Detyrë të Bashkisë Tiranë duke i nxjerrë fytyrën e vërtetë të betonit nën të.
📰 Më poshtë mund të gjeni disa citime të artikullit të vlerësuar nga OSBE-ja si artikulli numër një për Verifikimin e Fakteve në 2023:
👉 “Në një investigim të publikuar një vit më parë, u zbulua se Agjencia e Parqeve dhe Rekreacionit (APR), në katër vite kishte mbjellë në total 58,000 pemë, pra një mesatare prej 1,208 pemësh në muaj.”
👉 “Ky ritëm ka rënë në 19 muajt e fundit, pasi gjatë kësaj periudhe APR njofton se ka arritur të mbjellë vetëm 2,987 pemë dhe shkurre, me një mesatare që ka rënë drastikisht në vetëm 157 pemë në muaj.”
👉“Në një përgjigje për Citizens Channel, Bashkia Tiranë tha se nga fillimi i aplikimit të planit e deri më tani janë mbjell gjithsej 60,987 dru dhe shkurre.”
👉“Nëse do të marrim në konsideratë ritmin e gjashtë viteve të fundit (rreth 10,000 pemë në vit), Bashkisë Tiranë do i duheshin 200 vjet për të mbjellë dy milion pemët e premtuara në pyllin orbital.”
👉“Një studim i Co-Plan në 2021 tregoi se humbja e sipërfaqeve natyrore brenda Unazës së Madhe të Tiranës shkonte në 526,000 m2.”
👉“Mbjelljet e miliona pemëve kanë qenë propagandë e kahershme, kujtojmë
🚫 Lefter Kokën (aktualisht në burg) që do të kthente currilat në Pyll,
🚫 Blendi Klosin që do të mbillte 20’200’000 pemë deri në 2020 (inekzistente)
🚫 apo edhe këta të tjerët që vijojnë në të njejtën linjë e ndërkohë nuk arrijmë dot të kontrollojnë moratoriumin e pyjeve në zona të mbrojtura (Rrjace, Gramsh etj)”, u shpreh Rodion Gjoka (ekspert i mjedisit).
👉“Unë nuk kam parë një projekt konkret pyllëzimi por vetëm rendera, infografika dhe letra teorike”, thotë Gjoka (ekspert i mjedisit).”
✅Rritja e hapësirave të gjelbra është tejet e nevojshme për Tiranën!
⚠ Por në fakt nën sytë e të gjithëve ne ndodh vetëm rritja e hapësirave të betonizuara!
🙏 Falenderoj publikisht znj. Arbjona Çibuku për punën e saj profesionale dhe faktike!
🙏 Do të dëshiroja shumë që Shqipëria dhe Tirana të kishte më shumë Arbjona e më pak Erjona!
🙏 Duket se këtë dëshiron edhe OSBE-ja!
Discussion about this post