Me armë sportive dhe kanabis, arrestohen 2 francezë në Durrës

Policia e Shtetit njofton se 2 shtetas francezë janë arrestuar duke tentuar të dilnin nga Shqipëria nga porti i Durrësit.

Në automjetin e tyre tip kamper, policia gjeti një armë sportive dhe një sasi kanabisi.

Njoftimi i policisë Durrës:

Port, Durrës/Finalizohet operacioni policor i koduar “Exit”, si rezultat i intensifikimit të kontrolleve për goditjen e krimeve kufitare.

Tentuan të dilnin nga Shqipëria, me një automjet kamper, ku kishin fshehur një armë sportive dhe një sasi cannabisi, vihen në pranga 2 shtetas francezë.

Sekuestrohen arma sportive dhe sasia e lëndës narkotike.

Në vijim të operacioneve të zhvilluara nga strukturat hetimore dhe ato operacionale të Policisë Kufitare të portit të Durrësit, për goditjen e tentativave për të trafikuar armë dhe/ose lëndë narkotike, drejt shteteve të BE-së, u organizua operacioni policor i koduar “Exit”.