Pak kohë më parë me urdhër të SPAK u arrestuan emra të rrezikshëm të botës së krimit, funksionarë të policisë, prokurorë dhe biznesmenë në kuadrin e atij që u pagëzua si operacioni Metamorfoza.
Ky operacion u ndërmorr pasi në Shqipëri mbërritën fashikujt me bisedat e personazheve të ndryshëm përmes aplikacionit SKY që tashmë është në duart e drejtësisë të disa prej vendeve europiane.
Bisedat në SKY zbardhën vrasjet mafioze të grupeve kriminale në bashkëpunim me zyrtarë policorë dhe një prokuror tashmë të burgosur.
Por eksperti i sigurisë, Ervin Karamuço thotë se shumë shpejt do të dalë një pjesë tjetër e përgjimeve, që do të implikojë edhe institucione të tjera si Doganat dhe Tatimet.
“Metamorfoza 2 do jetë edhe më e madhe, përfshin edhe institucione të tjera, Dogana, Tatimet. Do jetë një vetting për të gjitha institucionet shtetërore dhe më tej”, deklaroi Karamuço në “Top Talk”.
Discussion about this post