“Iu helmua mëlçia”, flet daja i 3-vjeçarit: Na e dhanë djalin në koma

Një i mitur 3-vjeçar ka ndërruar jetë në mënyrë tragjike pas një vizite tek dentisti.

Rasti u denoncua nga prindërit e vogëlushit, të cilët akuzojnë dentistin Roland Xhaxho dhe vajzën e tij për mjekim të pakujdesshëm.

Ditën e sotme ka folur edhe daja i të miturit.

“Jam daja i djalit, kishte 3-4 dhëmbë të prishur, na ankohej se nuk hante bukë. Pyetëm shumë veta me anestezi, mjekë zemre, shkuam te Roland Xhaxho dy tre herë, bashkë me gocën i kanë trajtuar 14 dhëmbë djalit, e mbajtën 4 orë në sallë dhe na e dha çunin në gjendje kome, të rënduar.

Na tha që ishte një gjendje normale për shkak të anestezisë. Kur e çuam te pediatria e futën direkt te reanimacioni pa puls. Mjeket bënë ta pamundurën, thanë se nëse do e kishim çuar më parë do kishte shpëtuar, i ishte helmuar mëlçia. Vrasësit janë Roland dhe Ina Xhaxho, do të bëjmë të pamundurën që ai të mos e kalojë kaq lehtë.”