Konflikti me sende të forta dje në Laprakë, arrestohet 30-vjeçari

Ditën e djeshme, rreth orës 18:30 në rrugën “Dritan Hoxha” në Laprakë, 3 persona janë konfliktuar dhe kanë goditur me sende të forta 3 persona të tjerë.

Si pasojë është dëmtuar shtetasi Xh. M., i cili ndodhet në spital, në kujdesin e mjekëve

Policia ka arrestuar shtetasin Xh. H., 30 vjeç, banues në Tiranë.

Njoftimi i Policisë:

Specialistët për Hetimin e Krimeve të Komisariatit të Policisë Nr. 3 arrestuan shtetasin Xh. H., 30 vjeç, banues në Tiranë, dhe po punojnë për kapjen e shtetasve M. Q., 27 vjeç dhe M. Q., 32 vjeç.

Ditën e djeshme, rreth orës 18:30, në rrugën “Dritan Hoxha”, këta shtetas janë konfliktuar dhe kanë goditur me sende të forta shtetasit B. B., 48 vjeç, A. M., 48 vjeç dhe Xh. M., 27 vjeç, të tre banues në Tiranë.

Si pasojë është dëmtuar shtetasi Xh. M., i cili ndodhet në spital, në kujdesin e mjekëve. (Ky rast është postuar në një video, në rrjete sociale).