Surprizë për shumëkënd, këtë vit në drejtim të “Për’puthen” u vendos Megi Pojani.
Emisioni pati për dy sezone moderatore Bora Zemanin dhe ajo u kthye në një figurë identifikuese të tij.
Mirëpo angazhimet në projekte të tjera, bënë që Bora të largohet nga formati i dashurisë.
Fillimisht, në vend të saj vitin e kaluar qëndroi për pak kohë Ori Nebijaj, e cila u largua për t’iu përkushtuar detyrës së saj si deputete. E këtë sezon është Megi ajo që moderon formatin.
Teksa për Orin ishte shumë mbështetëse, çfarë mendimi ka Bora për Megin? Kjo pyetje i është bërë asaj sot në “Wake Up”, ku Bora foli me superlative, duke e konsideruar si zgjedhjen e duhur.
“Megi për mua është zgjedhja e duhur për Për’puthen’ me stilin e vetë të prezantimit, shumë sportive. Më pëlqen. Kur e mora vesh që do ishte ajo prezantuese më tingëlloi shumë mirë. Thashë: “Megi super”, u shpreh Bora.
Discussion about this post