Deputeti demokrat Agron Gjekmarkaj tha në emisionin Zonë e Lirë se lëvizja e nisur nga Gazment Bardhi për bashkimin e opozitës duhet përshëndetur dhe duhet mbështetur.
Gjekmarkaj tha se ka hedhur idenë e krijimit të një federate opozitare, në mënyrë që të gjitha flukset opozitare të mos ndjehen të përjashtuar.
Deputeti demokrat tha se në këtë federatë mund të bashkohet edhe Lulzim Basha nëse ai vendos të ndërpresë bashkëpunimin me Qeverinë.
Gjekmarkaj tha se Berisha është një faktor në opozitën shqiptare pasi ka marrë 510 mijë vota.
“Berisha nuk ikën, nuk ikën as se e kërkojmë ne, as nga analizat e mia. Kjo duhet kuptuar, Berisha është aty, atëherë duhet të gjejmë një zgjidhje bashkë me të, pasi ka 510 mijë vota”, tha Gjekmarkaj.
Sipas tij, sot nuk ka një opozitë, po bëhen përpjekje për ta bashkuar, sepse vendi është pa opozitë.
“A do e lemë vendin pa opozitë, apo do të ndërtojmë një opozitë, kjo është pyetja që shtrohet”, tha Gjekmarkaj. Ai shtoi se për mendimin e tij duhej të ishin larguar edhe Sali Berisha, edhe Ilir Meta edhe Lulzim Basha, por asnjë prej tyre nuk ikën.
Discussion about this post