Tensionet në rritje mes Palestinës dhe Izraelit, që një ditë më parë mori edhe ‘statusin’ e luftës, ka sjellë reagime të liderëve në të gjithë botën dhe është bërë kryefjala e çdo medie dy ditët e fundit.
Por si kanë reaguar liderët në botë për konfliktin mes dy vendeve?
Liderët botërorë kanë reaguar në mënyra të ndryshme ndaj sulmit të Hamasit dhe hakmarrjes së Izraelit.
SHBA: Presidenti Joe Biden thotë se mbështetja e vendit të tij për Izraelin është e fortë dhe e palëkundur. SHBA ka vendosur anije dhe avionë në rajon dhe tha se do të dërgojë municione shtesë në Izrael.
Britani: Kryeministri Rishi Sunak ka premtuar mbështetje të palëkundur për Benjamin Netanyahu.
“Ne do të bëjmë gjithçka që mundemi për të ndihmuar. Terrorizmi nuk do të mbizotërojë”, tha Sunak.
Iran: Presidenti Ebrahim Raisi tha se Irani mbështet të drejtën e palestinezëve për vetëmbrojtje dhe paralajmëroi se Izraeli duhet të mbahet përgjegjës për rrezikimin e rajonit ndër vite. Hamasi mbështetet nga Irani, raporton BBC.
Liban: Hezbollahu, një grup i fuqishëm i armatosur i mbështetur gjithashtu nga Irani, shkëmbeu artileri dhe raketa me Izraelin të dielën. Kjo ka ngjallur frikën e një konflikti më të gjerë midis Izraelit dhe shteteve kundërshtare të tij.
Kina: Pekini u ka bërë thirrje të dyja palëve që të ushtrojnë vetëpërmbajtje dhe të pushojnë menjëherë zjarrin. Media shtetërore ka përsëritur zgjidhjen mes dy shtete, e cila përfshin krijimin e një shteti të pavarur të Palestinës.
Rusia: Ministria e Jashtme bëri thirrje për një armëpushim të menjëhershëm dhe negociata drejt një paqeje gjithëpërfshirëse, të qëndrueshme dhe të shumëpritur./ BBC
Discussion about this post