Plagosja e 14-vjeçarit, merren në pyetje 15 të mitur. Si nisi sherri

Në lidhje me plagosjen e 14-vjeçarit ditën e djeshme në Korçë, policia ka marrë në pyetje 15 të mitur të moshave 13 deri në 15 vjeç.

Sipas burimeve, grupi i personave të përfshirë ka qenë i madh, dhe ende nuk është përcaktuar përgjegjësia individuale penale për asnjë nga të shoqëruarit.

Marrja në pyetje e të miturve është bërë nën shoqërinë e prindërve dhe psikologes.

Për  veprat penale me pasojë plagosje dhe vrasje, përgjegjësia penale fillon që në moshën 14-vjeç, sipas kodit penal shqiptar.

Mësohet se ngjarja ka nisur fillimisht virtualisht duke u sharë dhe më pas ka përfunduar në konflikt fizik.