26-vjeçarja përplas për vdekje me makinë të moshuarin në bicikletë

Një aksident me pasojë vdekjen ka ndodhur në aksin rrugor Lushnjë Rrogozhinë.

Aksidenti ka ndodhur pranë Golemit, rreth orës 09:45, ku një automjet tip “Toyota” ka përplasur shtetasin Enver Deliu rreth 70 vjeç i cili udhëtonte me biçikletë.

Pas përplasjes drejtuesja e mjetit, Anisa Xhepexhiu, e ka marrë për ta transportuar drejt spitalit por i plagosuri nuk ka arritur t’i shpëtojë plagëve të marra nga goditja.

Njoftimi i policisë

Lushnjë/Informacion paraprak

Rreth orës 09:45, në aksin rrugor “Lushnjë-Rrogozhinë”, në fshatin Golem, automjeti me drejtuese shtetasen A. Xh., 26 vjeçe, është përplasur me biçikletën me drejtues shtetasin V. D., 70 vjeç, banues në Golem, i cili ka ndërruar jetë.

Shtetasja A. Xh. është shoqëruar në Komisariat, me të cilën po kryhen veprimet hetimore.

Grupi hetimor po punon për zbardhjen e rrethanave të aksidentit.