Një bandë emigrantësh shqiptarë – disa prej të cilëve mbërritën në Britaninë e Madhe me varka të vogla – janë burgosur pasi u kapën pas një bastisjeje në një fermë kanabisi në një fshat në Norfolk.
Një dron policie u përdor për të ndihmuar në kapjen e pesë burrave pasi ata ia mbathën kur oficerët hynë në objek, në ish thertoren Norfolk Meats, në Banham.
Gjykata e Norwich Crown dëgjoi pesë burra Hysen Kodra, 33 vjeç, Kristjan Pergjeci, 23 vjeç, Aldito Drobaj, 22 vjeç, Emirjan Gatali, 29 vjeç dhe Bledar Troka, 34 vjeç, që punonin si ‘kopshtarë’ të kanabisit, të cilën prokurorët thanë se ishte në gjendje të prodhonte “sasi industriale për shitje komerciale”.
Ndërtesa ishte ndarë në tre zona të mëdha kultivimi, ku ishin instaluar edhe pajisje për rritje, si ndriçimi për të ushqyer bimët.
Gjithsej policia sekuestroi 455 bimë që mendohet se mund të prodhonin nga 13 deri në 34 kilogramë kanabis.
Prokurori tha se të pesë të pandehurit ishin shtetas shqiptarë me bazë në Londër, të cilët ndodheshin në MB pa leje.
Ata të gjithë u paraqitën për dënim në Norwich pasi më parë kishin pranuar akuzat.
Gjykatësja Alice Robinson tha se ishte një operacion “i sofistikuar” i rritjes së kanabisit në “shkallë të gjerë” i aftë për të prodhuar “sasi të konsiderueshme për përdorim komercial”.
Duke i dënuar secilin me 22 muaj burg, ajo pranoi se të gjithë kishin luajtur një rol më të vogël si pjesë e operacionit.
Mbërritjet me varkë të vegjël
Lori Tucker, avokate e Kodrës, tha se ai “krijoi një borxh” ndaj bandave të trafikimit pasi mbërriti në këtë vend me një varkë të vogël dhe duhej të shlyente borxhin. Ajo tha se ai “e di se ishte gabim dhe nuk duhet të kishte bërë atë që bëri”.
Danielle O’Donovan, avokati për Trokën, tha se edhe ai ishte një i ri “i pambrojtur” i cili u “shfrytëzua” si rezultat i dëshirës për një jete më të mirë për familjen e tij që kishte mbërritur nga përtej kanalit me një “gomone të vogël”.
Ajo tha se shkalla e operacionit ishte “përtej të kuptuarit dhe përgjegjësisë” të të pandehurit.
Juliet Donovan, avokate për Gatalin dhe Pergjecin, tha se Gatali kishte ardhur në këtë vend për të fituar para dhe e gjeti veten në një situatë ku ishte një kopshtar për të cilin ajo këmbënguli se kishte një rol më të vogël.
Ndërsa për Pergjecin, i cili ishte me karakter të mirë, ajo tha se ai u “kap” pasi i thanë se do të punësohej në ndërtim, gjë që rezultoi se nuk ishte kështu.
AndrewOliver, avokat për Drobajn, tha se ishte “e pashmangshme” që klienti i tij të merrte një dënim të menjëhershëm me burg, duke shtuar se ai kishte pranuar fajin që në fillim.
Discussion about this post