Dhjetra avionë luftarakë izraelitë goditën më shumë se 200 objektiva në Gaza gjatë natës, tha Forcat e Mbrojtjes të Izraelit (IDF) në një deklaratë të martën.
Objektivat ishin në lagjet Rimal dhe Khan Yunis në enklavën bregdetare me popullsi të dendur, ku IDF pretendoi se nga ishin drejtuar një numër sulmesh kundër Izraelit.
IDF tha se goditi një infrastrukturë terroriste të Xhihadit Islamik në Khan Yunis, një vend ruajtjeje armësh të militantëve të Hamasit të vendosur brenda një xhamie dhe “infrastrukturën e terrorit operativ të përdorur nga operativët terroristë të Hamasit”, midis objektivave të tjera.
Avionët luftarakë goditën gjithashtu një numër “rezidencash operacionale” që i përkisnin operativëve të Hamasit, si dhe një qendër komanduese operacionale të Hamasit të vendosur brenda një xhamie, tha IDF.
Deri më tani, bombardimet kanë vrarë të paktën 687 njerëz, duke përfshirë dhjetëra fëmijë dhe gra, dhe kanë lënë mijëra të plagosur, sipas Ministrisë palestineze të Shëndetësisë.
Një ofensivë e madhe izraelite siç është një inkursion tokësor në Gaza pritet gjerësisht edhe pse shkalla e plotë e përgjigjes izraelite mbetet e paqartë.
Më herët të martën, IDF tha se kishte rivendosur “pak a shumë” kontrollin e plotë mbi gardhin kufitar me Gazën , pasi ai u shkel nga militantët e Hamasit duke nisur sulmin e tyre të befasishëm të shtunën.
Discussion about this post