Toni Kroos është tashmë një çështje e hapur te Real Madridi, pasi është futur në vitin e fundit të kontratës.
Mesfushori gjerman është futur në vitin e tij të 10-të si futbollist i Los Blancos ku ka qenë ndër lojtarët kryesorë në këtë periudhë.
Megjithatë kontrata e tij është në përfundim dhe te Real Madridi kanë marrë vendim sa i përket të ardhmes së gjermanit.
Bordi i Real Madrid tashmë i ka ofruar Toni Kroos mundësinë për të zgjatur qëndrimin e tij në Santiago Bernabeu edhe për një vit.
Ashtu si muaj më parë, lojtari do të duhet të rishikojë nëse do të rinovojë apo do të përfundojë karrierën e tij.
33-vjeçari nuk e ka ndërmend të transferohet në ndonjë skuadër tjetër, përkundër se ofertat në drejtim të tij nuk kanë munguar.
Kroos e ka bërë të qartë më herët se do të pensionohet në Real Madrid dhe kjo mbetet të shihet nëse një gjë e tillë do të ndodhë në vitin 2024 apo 2025.
Discussion about this post