Ambasadorja amerikane, Yuri Kim ka qenë ditën e sotme për një vizitë zyrtare në qytetin e Kukësit ku është pritur nga kryetari i bashkisë, Safet Gjici.
Lajmi e ka bërë të ditur Gjici në Facebook ku shkruan se me ambasadoren Kim kanë diskutuar, ndër të tjera, për mbështetjen e ambasadës amerikane.
“I lumtur që mirëprita Ambasadoren e SHBA- së në Tiranë, Znj. Yuri Kim. Vizita e parë zyrtare në Bashkinë e Kukësit, ishte një kënaqësi e veçantë për mua dhe qytetarët kukësian.
Bashkëbiseduam për shumë tema ku sigurisht kryefjalë ishte Kukësi, mbështetja e vazhdueshme e Ambasadës Amerikane përmes programeve të ndryshme, thellimi i këtij bashkëpunimi në të ardhmen do jëtë prioriteti ynë.
I tregova Znj. Kim atraksionet që ofron territori i Bashkisë së Kukësit, vlerat natyrore dhe njerëzore, por mbi të gjitha bujarinë dhe mikpritjen e kuksianëve, të cilët e treguan në luftën e Kosovës, duke pritur në pranverën e 99-ës, 1 milion kosovarë”, shkruan Gjici ne Facebook.
