Gazetari i BBC: Izraeli së shpejti do të pushtojë Rripin e Gazës

Prej gjashtë ditësh trupat ushtarake të Izraelit po luftojnë me militantë e Hamasit, pas sulmit që këto të fundit nisë fundjavë e kaluar

“Një gjë duket e sigurt: Izraeli së shpejti do të pushtojë Rripin e Gazës me popullsi të dendur”. Kështu shprehet gazetari i BBC, Paul Adams, sipas të cilit, një numër i madh trupash janë mbledhur në jug të Izraelit. Siç thotë ai, trupat janë vendosur së bashku me një numër të madh tankesh dhe mjetesh të tjera të blinduara.

“Më pak e qartë është se kur do të jepet urdhri, ose cilat janë objektivat përfundimtare të qeverisë izraelite”, ka shkruar Adams.

Por, siç thekson ai, me zyrtarët izraelitë që flasin për krijimin e një realiteti të ri të Lindjes së Mesme, në thelb një Gaza pa Hamasin, të gjithë treguesit thonë se ky operacion do të tejkalojë të gjithë paraardhësit e tij në shkallë dhe shtrirje.

“Kolegët tanë të BBC-së në Gaza tashmë na thonë se sulmet ajrore nuk janë si asgjë që kanë parë më parë. Në pesë ditë sulmesh, Izraeli tashmë ka vrarë pothuajse gjysmën e numrit të palestinezëve sa vdiqën gjatë gjashtë javëve të luftës së Gazës në vitin 2014”.

Veç kësaj, paralajmëron ai, Izraeli mund të vazhdojë me sulmet ajrore ndaj Gazës për disa ditë, duke e dobësuar Hamasin aq shumë sa që kur të vijë ndërhyrja tokësore, aftësia e grupit për të luftuar do të jetë degraduar rëndë.

“Me disa pjesë të Gazës të kthyera në gërmadha dhe rreth çerek milioni palestinezë tashmë në lëvizje, perspektivat për ditët e ardhshme duken jashtëzakonisht të zymta”, ka shkruar gazetari i BBC, Paul Adams.