Kryeministri Edi Rama dhe homologu i tij i Kosovës, Albin Kurti, ndodhen në stadiumin “Air Albania” atje ku po luhet ndeshja mes Shqipërisë dhe Çekisë.
Kurti e njoftoi më herët praninë e tij, përmes një postimi në rrjetet sociale.
Ndoshta ky mund të ishte një moment që dy kryeministrat, në raporte pothuajse të ngrira mes tyre, mund të shkrinin akujt duke dhënë një tjetër mesazh në sytë jo vetëm të mijëra tifozëve të pranishëm në stadium.
Siç shihet dhe nga foto, kryeministri Edi Rama ndodhet në zonën vip në katin e parë e ndërsa Kurti në të dytin.
Ndoshta pas ndeshjes, Rama e Kurti mund të gjejnë momentin për të shtrënguar duart, aq më tepër kur pothuajse 50% e atyre që ndodhen në stadium janë shqiptarë që kanë udhëtuar drejt Tiranës nga trojet shqiptare.
Discussion about this post