Dita e djeshme ka qenë e paharrueshme për një familje, pasi krahas emocioneve për fitoren e Shqipërisë kundër Çekisë, kanë përjetuar edhe një gëzim tjetër të paharrueshëm.
Çifti ka sjellë në jetë trinjakë, të cilët kanë lindur në maternitetin “Mbretëresha Geraldinë”.
Tri foshnjat Kajla, Kain dhe Krid, plot shëndet, kanë gëzuar prindërit e tyre, të afërmit, mjekët që asistuan lindjen e tyre po mbi të gjitha ata kanë parë dritën në një moment shpërthimi energjie pozitive, krenarie dhe entuziazmi që ka mbërthyer gjithë vendin falë fitores së ekipit kombëtar të futbollit kundër Çekisë.
Trinjakët, që i bën të veçantë dhe më të bukur pikërisht ky fakt, do të kenë shumë ç’të tregojnë kur të rriten, lidhur me datën që kanë lindur.
Discussion about this post