“Edi, je i çmendur?” Pritja e pazakontë e Ramës për miqtë e politikës

Me balet dhe piktura i ka pritur Kryeministri Edi Rama liderët e shfaqjes në Samitin e Procesit të Berlinit.

Të vendosur në rreth, ata kanë shijuar një performancë baleti dhe më pas, Kryeministri u ka treguar një tjetër ambient me piktura.

Pas përfundimit të koreografisë, kryeministri Edi Rama u shpreh se kërkonte që të ndërthurte artin e baletit me atë të pikturës, e cila u zbulua nga balerinët.

Ishte koreografi ai që bëri të mundur pjesën e baletit, porv edhe zbuloi se puna për mini-shfaqjen kishte nisur vetëm 24 orë më parë.

Ai tregoi se gjatë komunikimit me kryeministrin i ishte drejtuar duke thënë “Edi je i çmendur?!”, pasi sipas tij nuk mund të krijonte diçka të re me këtë limit kohor.

Megjithatë ai falënderoi kreun e qeverisë për mundësinë e dhënë, ndërsa pjesëmarrësit e Samitit vijuan me axhendën e tyre.

Më pas, krah për krah me Scholz dhe i ndjekur nga Kurti me Abazoviçin, ata janë nisur drejt ambientit të piramidës, e cila e restauruar, do jetë vendi i zgjedhur për këtë ngjarje.