Mitsotakis në Tiranë: Të zgjidhet çështja Beleri, për anëtarësimin…

Mediat greke i kanë bërë jehonë mbërritjes së kryeministrit grek Mitsotakis në Samitin e Procesit të Berlinit, i cili po mbahet në Tiranë.

Protothema.gr duke komentuar takimin e Mitsotakis me kryeministrin Edi Rama, theksoi se “Kyriakos Mitsotakis i dërgoi një mesazh të qartë Shqipërisë se zgjidhja e çështjes për kryebashkiakun e Himarës, Fredi Beleri, është themelore dhe nevojshme që Greqia të pranojë procesin e negociatave të vendit fqinj me Bashkimin Evropian.”

Kyriakos Mitsotakis, pasi tha se Shqipëria ka bërë “për fat të keq pengesa të konsiderueshme” në respektimin e shtetit ligjor, “theksoi respektin për pavarësinë e gjyqësorit shqiptar, as nuk është detyra ime të ndërhyj në punën e tij, por dua të theksoj se Fredi Beleri ka të drejtë të betohet edhe në paraburgim, dhe këtë e parashikon rendi juridik shqiptar”.

“Është e rëndësishme që kryebashkiaku i Himarës të betohet në mënyrë që hija e rëndësishme që prek marrëdhëniet greko-shqiptare të largohet”, vijoi z. Mitsotakis.

“Shpresoj dhe uroj që problemi të zgjidhet në frymën e një bashkëpunimi të mirë pa cënuar marrëdhëniet mes dy shteteve”, shtoi kryeministri grek duke sqaruar se këtë çështje do ta diskutojë me Edi Ramën.

Kryeministri grek theksoi se Greqia mbështet në mënyrë të vendosur dhe të palëkundur perspektivën e anëtarësimit të vendeve të Ballkanit Perëndimor, duke nënvizuar se “kjo rrugë është e vështirë dhe kërkon që këto vende të bëjnë rregullime të rëndësishme me acquis evropiane”.

Në këtë kontekst, ai iu referua veçanërisht “një parimi që është i panegociueshëm dhe që është respektimi i shtetit ligjor”.