Irani: Hamasi gati të lirojë pengjet me ndalimin e bastisjes në Gaza

Ministria e Jashtme e Iranit tha se Hamasi ishte gati të lironte rreth 200 pengje nëse Izraeli ndalonte fushatën e tij të sulmeve ajrore në Rripin e Gazës. 

Zyrtarët e Hamasit “deklaruan se janë të gatshëm të marrin masat e nevojshme për lirimin e qytetarëve dhe civilëve të arrestuar nga grupet rezistente, por theksuan se masa të tilla kërkojnë përgatitje që janë të pamundura nën granatimet e përditshme të sionistëve të pjesëve të ndryshme të Gazës”, tha zyrtari iranian.

Zëdhënësi i Ministrisë së Jashtme, Nasser Kanaani, foli në një konferencë për shtyp në Teheran.

Grupi militant palestinez nuk e ka konfirmuar se ka bërë një ofertë të tillë.