Kapiteni Medon Berisha ka gjetur sërish rrugën e rrjetës për Shqipërinë U21, që triumfoi me rezultatin 2-0 ndaj Malit të Zi dhe u ngjit në krye të grupit në eliminatoret e Eurpianit Hungari 2025.
Në përfundim të ndeshjes mesfushori që luan me Leccen në Itali, komentoi fitoren e kuqezinjve, atmosferën dhe synimet e tij për të debutuar sa më shpejt në Serinë A.
Si ndiheni që gjeni sërish rrjetën me fanellën e Kombëtares dhe fitoni sërish?
Ndihemi shumë mirë. Ishte një ndeshje e rëndësishme kjo, pasi kemi shkuar 9 pikë në krye të grupit. Vuajtëm shumë në Finlandë, por kjo fitore na jep shumë kurajë edhe për ndeshjet e tjera.
Si ndiheni tani?
Jam ambientuar tashmë. Jemi një skuadër e mirë he rrimë gjithë kohën së bashku.
A po e prisni me padurim edhe debutimin në Serinë A?
Po, e pres me padurim, por nuk ngutem, pasi ka kohë. Unë vazhdoj punoj dhe pres momentin tim.
Si e keni ndjekur rrugëtimin e Shqipërisë në eliminatoret e Euro 2024?
I ndjekim rregullisht dhe jemi shumë të lumtur. Na japin kurajo, pasi ata do të luajnë tashmë në Europian.
A besoni edhe ju te Europiani?
Po, jemi një skuadër shumë e fortë, me grup jo shumë të vështirë dhe duam të kualifikohemi edhe ne.
Discussion about this post