Kryedemokrati Sali Berisha akuzoi sot kreun e grupit parlamentar të PS-së, Bledi Çuçi se është përzënë nga studimet në Gjenevë për shkak se është marrë me drogë.
Në një prononcim për mediat jashtw Kuvendit, ai tha se Çuçi gjatë kohës që drejtonte ministrinë e Brendshme mori këshilltar kryesor një prej trafikantëve të Sajmir Tahirit.
“Akti kulmor i shëmtuar, i caktojnë opozitës përfaqësuesin në komisionin zgjedhor. Ky do ishte Çuçi që është një mashtrues ordiner. Ju bëj thirrje të hetoni pak për Çuçin. Ka nevojë të hetohet.
Hetoni pak a është përzënë nga Zvicra dhe pse është përzënë? Nga Gjeneva. Informacionet e mia janë pa diskutim, por interesante për publikun janë hetimet e gazetarëve.
Shkoni dhe pyesni pse është përzënë nga Gjeneva. Ka qenë me studime atje. Student.
Është përzënë për drogë. E di vetë ai.
E dyta, pyesni pak se kush është Aranit Arapi. Unë kam këtu në librarinë dixhitale kushedi sa informata të qytetarit dixhital për të. Aranit Arapi është krahu i djathtë i Saimir Tahirit në trafikun e drogës për kohën kur ishte.
Për hir të vërtetës, e përzuri Fatmir Xhafaj. Një njeri që nuk e mori Sandër Lleshaj, e kish edhe mirditor, por nuk e mori se e dinte se enxinte. E mori ky dhe e bëri këshilltar kryesor.
Ajo sera që u kap me 90 gra në Berat, mbikëqyrjes nga Çuçi dhe Araniti.
Tani Çuçi është një gënjeshtar i paskrupullt. Kur themi që komisioni është ngritur mbi bazë konsensusi, nuk nënkupton kurrë që ne do i caktojmë njëri-tjetrit me konsensus anëtarët. Komisioni funksionon mbi bazën e konsensusit. Dmth që ligjet, nenet që ai miraton, duhet t’i miratojë me konsensus. Dhe e tillë ka qenë në 32 vite”, u shpreh Berisha.
Discussion about this post