Një ngjarje e rëndë është shënuar mëngjesin e sotëm ku një 55-vjeçare nga Rrogozhina, i dha fund jetës në mënyrë tragjike duke u hedhur nga furgoni. Merushe Gjuzi ishte nisur mëngjesin e sotëm për të blerë një sasi të konsiderueshme misrash në fshatin Funar të Elbasanit të cilat do t’i tregtonin të pjekura në vendin e quajtur “Bishti i Zhurit “.
Gjuzi, e cila shoqërohej nga një fqinje e saj kishin prenotuar që dje furgonin për të shkuar në Funar të Elbasanit dhe kishin këmbëngulur gjatë që ai të ishte këtë të Premte në dispozicion të tyre.
Pas këmbënguljes së gjatë të tyre dhe në respekt të punës dhe sakrificës që ato bënin për të ushqyer familjen shoferi i furgonit ka pranuar t’u shërbente.
Pasi janë nisur nuk ka kuptuar asgjë, ndërsa dy gratë janë ulur pranë njëra tjetrës përballë derës së mesit të mjetit dhe gjatë asaj kohe që po udhëtonin kanë qenë në telefon.
Befas Merushe Gjuzi ka hapur derën dhe është vetëhedhur nga furgoni, veprim i cili i kushtoi jetën.
Paraprakisht dyshohet se shkak i vetëflijimit mund të ketë qenë gjendja e rënduar psikologjike e saj për shkak të konflikteve të vazhdueshme me bashkëshortin e saj Ajo banonte në Rrogozhinë.
Njoftimi i policisë
Elbasan/Informacion paraprak
Rreth orës 09:00, në aksin rrugor Peqin-Elbasan, në fshatin Papër, shtetasja M. Gj., rreth 50 vjeçe, ndërkohë që udhëtonte në automjetin furgon që drejtohej nga shtetasi S. T., 30 vjeç, dyshohet se ka hapur derën e pasme të furgonit dhe është vetëhedhur.
Si pasojë e dëmtimeve, shtetasja M. Gj. ka humbur jetën. Drejtuesi i furgonit, shtetasi S. T., po shoqërohet në Komisariat, për sqarimin e rrethanave të ngjarjes. Shërbimet e Policisë dhe grupi hetimor ndodhen në vendngjarje dhe po punojnë për sqarimin e plotë të rrethanave të kësaj ngjarjeje.
Discussion about this post