Në 22 nëntor Drejtori i Përgjithshëm i Policisë së Shtetit, Gledis Nano firmosi marrëveshjen e bashkëpunimit me laboratorin mjekësor “Intermedica Center”, lidhur me testin periodik të drogës që do t’i nënshtrohen të gjithë punonjësit e Policisë së Shtetit. Sipas burimeve mësohet se testi i parë i drogës është kryer, ndërsa rezultatet do të bëhen të ditura pas një jave në një konferencë për mediat. Gjithashtu mësohet se disa efektivë kanë rezultuar pozitiv në këtë test dhe ato do të pushohen nga detyra, siç edhe ishte paralajmëruar.
Gledis Nano e ka cilësuar këtë vendim si shumë të vlefshëm për rritjen e imazhit të Policisë në komunitet dhe për fitimin e besimit të qytetarëve, sepse kryerja e testit periodik për përdorimin e lëndëve narkotike sipasi tij, do të eliminojnë akuzat e dashakeqësitë ndaj Policisë së Shtetit.
Marrëveshja e bashkëpunimit konsiston në krijimin e mundësive për ekzaminimin mjekësor periodik të punonjësve të Policisë së Shtetit, në kuadër të rritjes së standardeve dhe integritetit personal, për të ndaluar përdorimin e lëndëve narkotike nga ana e tyre.
Discussion about this post