Robert Prosineçki është në Tiranë, kroati është emri i përfolur se do të jetë trajneri i ardhshëm i Partizanit. Siç është njoftuar edhe më parë palët kanë nisur negociatat mes tyre dhe po diskutohet për detajet e një kontrate të mundshme.
Si fillim emri i ish-futbollistit ishte vetëm një ide, por tani duket se ish-lojtari i Real Madrid dhe Barcelonës do të jetë pasuesi i Zekiç në stolin e “Demave”. Këtë gjë e ka pohuar në njëfarë mënyre vetë klubi i kuq me një pëlqim që ka bërë në një postim në Instagram.
Në një foto të postuar nga faqja ‘Superliga Shqiptare 84’ me diçiturën “Rober Prosineçki mund të marrë drejtimin e Partizanit. Tekniku ka ndjekur ndeshjen në “Air Albania”,” klubi i Partizani e ka pëlqyer si postim. Tashmë duket se nuk janë vetëm thashetheme dhe pritet vetëm zyrtarizimi.
Discussion about this post