Trajneri i kombëtares Sylvinho ftoi sulmuesin Armando Broja për ndeshjet që Shqipëria do të luante përballë Çekisë të vlefshme për kualifikueset e Euro 2024 dhe miqësoren ndaj Bullgarisë.
Por sulmuesi i Chelseat u largua nga grumbullimi dhe nuk luajti në asnjë nga këto dy ndeshje.
Pas këtij largimi që u konstatua si dëmtim, në rrjet shpërthyen aludime dhe insinuata të ndryshme, që fajësonin sulmuesin e Chelsea.
Por tekniku i Bluve të Londrës, Pochettino ka thënë fjalën e tij lidhur me Armando Brojën dhe ka njoftuar se ai do të mungojë në ndeshjen që Chelsea do të luajnë përballë Arsenalit.
“Kemi sërish shumë mungesa dhe një ndër to është ajo e Brojës. Ka një irritim në gjurin e majtë, arsye për të cilën ndërpreu edhe grumbullimin me kombëtaren. Në dyshim është edhe sulmuesi tjetër Jackson, për të cilin do të vendosim vetëm nesër”, u shpreh trajneri argjentinas.
Kështu bien poshtë aludimet që Armando Broja la kombëtaren kuqezi që të shkonte në mënyrë që të ishte i gatshëm për ekipin londinez.
Discussion about this post