“Edi Rama ka hyrë në agoninë e tij politike. Ai i tronditur deri në palcë nga krimet e tij, nga aferat në të cilat nuk ka drejtësi në Botë që e shpëton, afera McGonigal, afera e djegësve, e Portit të Durrësit, e Butrintit, e sterilizimit.
Edi Rama pasi ka humbur mandatin e deputetit, për shkak të tenderave që ka fituar thjeshtra e tij me mbiemrin Xhillari, apo Fangu, burri i motrës së Linda Ramës, me ndërhyrjen e kësaj të fundit në Bordet shtetërore, nuk është më deputet i Kuvendit të Shqipërisë, bazuar në Kushtetutë”, tha Sali Berisha, ish-Kryeministri, ndaj të cilit GJKKO vendosi masën e sigurisë “detyrim paraqitje” dhe mos lejim të daljes nga vendi.
Berisha tha se Rama ka urdhëruar prokurorët e tij mercenarë, të akuzuar për fshehje dokumentesh, për manipulim dosjesh, që të lëshojnë urdhër në kundërshtim me Kushtetutën, neni 73 i saj, ku përcaktohet qartë se masat e sigurisë ndaj çdo deputeti, nuk mund të merren pa miratimin e Parlamentit.
Ish-Kryeministri tha se as kufizimi për të lëvizur në Shqipëri apo në Europë, nuk mund të merrej pa miratimin e Kuvendit të Shqipërisë.
Berisha tha se dhëndri i tij u ndalua teksa ndodhej në aeroport pasi po priste bashkëshorten e tij nga një udhëtim, ndërsa akuzoi Kryeministrin lidhur me gjithçka që ka ndodhur.
Discussion about this post