Jamarber Malltezi, dhëndri i ish-Kryeministrit Sali Berisha, i cili u arrestua në mjediset e aeroportit “Nën Tereza” në Tiranë, teksa po priste bashkëshorten e tij nga një udhëtim, është shoqëruar drejt dhomave të izolimit në Tiranë, nga një furgon Policie.
Malltezi u arrestua me urdhër të SPAK, ndërsa GJKKO kishte caktuar masën paraprake të sigurisë “arrest me burg”.
Ndaj Malltezit janë ngritur akuzat për korrupsion pasiv në bashkëpunim sipas nenit 260 dhe Pastrim i Produkteve në bashkëpunim me Fatmir Bektashin sipas nenit 287 të Kodit Penal.
Malltezi do të qëndrojë në dhomat e izolimit deri në momentin që do të dalë para GJKKO e cila do të bëjë një rivlerësim të masave të sigurisë.
Discussion about this post