Jamarbër Malltezi, i cili një ditë më parë u la në masën e sigurisë ‘arrest me burg’, është dërguar në paraburgimin 313 në Tiranë.
Ai është transferuar në paraburgim një ditë pasi GJKKO la në fuqi masën e arrestit.
Dhëndri i ish-kryeministrit Sali Berisha, i arrestuar për aferën e privatizimit të ish-kompleksit ‘Partizani’ është lënë në burg nga gjykata, pas seancës së djeshme e cila zgjati për rreth 1 orë e 30 minuta.
Gjyqtarja Irena Gjoka vendosi të lërë të pandryshuar masën e sigurisë për dhëndrin e Berishës si dhe për ortakun e tij ndërtuesin Fatmir Bektashi, për të cilën gjykata ka kërkuar ‘detyrim paraqitje’ por nuk i lejohet të largohet jashtë vendit.
Malltezi mohoi akuzat gjatë seancës, duke pretenduar se inventarizimi është firmosur nga kryeministri Edi Rama, që në atë kohë ishte kryetar bashkie.
“E gjithë prona nuk ka qënë zonë sportive, siç pretendon prokuroria, por ka qënë pjesërisht sportive dhe pjesërisht banimi. Zona sportive ka qenë me uzurpues të paligjshëm”, ka argumentuar Malltezi, duke shtuar se i ka pasur mundësitë të largohej jashtë vendit, por nuk e ka bërë, pasi është i pafajshëm.
Discussion about this post