‘Miku i mirë njihet në ditë të këqija’, Topalli takohet me Berishën

Jozefina Topalli sapo ka mbërritur në selinë e PD-së, për t’u takuar me ish-kryeministrin Sali Berisha.

Berisha ka zgjedhur të qëndrojë sot në seli dhe jo të shkojë në gjyq, ku është thirrur për privatizimin e ish-kompleksit ‘Partizani’.

Ish-kryeministri po hetohet për “Korrupsion pasiv të funksionarëve të lartë shtetërorë ose të zgjedhurve vendorë”. Gjykata e Posaçme e ka ndaluar atë të dalë jashtë vendit.

Gjykata e cilëson si të njoftuar Berishën për vendimin dhe më pas është e detyruar të zbatojë procedurën përkatëse.

Pas këtij momenti, Berisha është ai që vendos nëse do të jetë i pranishëm apo jo në seancë.