“Në proces s’jam vetëm unë..”, Berisha: Rama i shpalli luftë opozitës

Ish-kryeministri Sali Berisha në një konferencë për mediat nga selia e PD, u shpreh se ky proces i iniciuar ndaj tij dhe Jamarbër Malltezit, nuk janë goditje vetëm për atë dhe familjarët e tij, por për reformat që ka ndërmarrë Partia Demokratike kur ka qenë në pushtet.

Sipas Berishës, në proces janë reformat epokale të Partisë Demokratike.

“Siç e dini, Edi Rama i ka shpallur luftë opozitës dhe unë u them demokratëve kudo që janë, se me aktin e fundit, ai ka shpallur një luftë totale, për të cilën ne do i përgjigjemi me të gjithë forcën dhe mundësitë tona.
Procesi është procesi më politik i këtij shekulli.
Në proces nuk është vetëm Sali Berisha dhe familjarët e tij, jo, absolutisht.
Në proces janë reformat epokale të PD-së, të cilat goditen nga një gardë pretoriane, të cilat goditen nga falanga politike krimi, në një analizë që dëshmon urrejtjen e tyre për reformat e tregut të lirë dhe demokracisë që ka ndërmarrë PD në vite.
Çdo demokrat duhet të ndjehet krenar me to.”