Varianti i ri i koronavirusit, “Omicron” përveç se po hap panik në të gjithë botën dhe vë në rrezik shëndetin, po shkakton probleme edhe sa i përket turizmit. Operatorët turistikë në vendin tonë thonë se, festat e fundvitit kanë shtuar interesin për pronotime të shqiptarëve për të ikur jashtë vendit dhe të huajve për të ardhur këtu, por shfaqja e variantit të ri “Omicron” të Covid-19 po kthehet në pengesë.
“Afrimi i festave të fundvitit ka zgjuar interesin e shqiptarëve për të udhëtuar jashtë dhe të huajve për të ardhur në vend, por shfaqja e variantit të ri Omicron të koronavirusit po kthehet në pengesë”, tregojnë ata.
Sipas tyre pronotimet po bëhen vetëm nga turistët afër nesh, duke i shkaktuar këtij sektori humbe të madhe. “Edhe këtë vit, vendin po e synojnë turistët tradicionalë nga Kosova e Maqedonia e Veriut, por nuk mungojnë as serbët. Mirëpo, operatorët turistikë ankohen se këtë vit mungojnë pronotimet nga pushues të Evropës Lindore”, shprehen ata. Përveç rrezikut të mbylljes së kufijve si pasojë e pandemisë, operatorët turistikë thonë se këtë sezon po mungon oferta për të joshur turistët, ndërsa rritja e çmimeve penalizon edhe më tepër sektorin.
Discussion about this post