Sekretari amerikan i Shtetit, Antony Blinken kërkoi nga autoritetet izraelite që të mbrojnë civilët palestinezë, ndërsa bëri thirrje që të dërgohen ndihma humanitare në Gaza.
Gjatë një fjalimi në Këshillin e Sigurimit të OKB-së, Blinken theksoi se Izraeli të marrë masa për ushqimin, ujin dhe ilaçet.
Gjithashtu Blinken paralajmëroi edhe Iranin.
“Shtetet e Bashkuara nuk kërkojnë konflikt me Iranin. Ne nuk duam që kjo luftë të zgjerohet. Por nëse Irani ose përfaqësuesit e tij sulmojnë personelin amerikan kudo, mos bëni gabim.
Ne do të mbrojmë popullin tonë, do të mbrojmë sigurinë tonë, me shpejtësi dhe me vendosmëri”, tha Blinken.
Sekretari amerikan i shtetit tha gjithashtu se do të punojë me kryediplomatin kinez Wang Yi për të parandaluar përhapjen e konfliktit në Lindjen e Mesme kur ata të takohen më vonë këtë javë.
Wang Yi do të mbërrijë në Uashington të enjten.
Discussion about this post