Lufta në Lindjen e Mesme vazhdon, duke arritur në ditën e saj të 19-të.
Përplasje tejet e forta kanë ndodhur në OKB, ku ambasadori izraelit në Kombet e Bashkuara, Gilad Erdan, kërkoi dorëheqjen e sekretarit të përgjithshëm, Antonio Guterres, pasi ky i fundit deklaroi se sulmet e Hamasit “nuk erdhën nga askund” dhe se “Populli palestinez ka qenë subjekt i pushtimit mbytës për 56 vjet”.
Përplasjet u rritën në Këshillin e Sigurimit të OKB-së të martën, pasi Sekretari i Përgjithshëm António Guterres bëri thirrje për “një armëpushim të menjëhershëm humanitar” duke thënë se “shkelje të qarta të ligjit ndërkombëtar humanitar” po dëshmohen në Gaza.
Ambasadori izraelit në OKB Gilad Erdan tha se vendi i tij do t’u refuzojë vizat e hyrjes zyrtarëve të OKB-së pas ndërhyrjes së diskutueshme të Sekretarit të Përgjithshëm Antonio Guterres.
“Duke pasur parasysh fjalët tuaja – shpjegoi Erdan për Radion Ushtarake – ne do të refuzojmë lëshimin e vizave për përfaqësuesit e OKB-së.
Për më tepër, ne i kemi refuzuar tashmë një vizë nënsekretarit për Çështjet Humanitare Martin Griffiths. Ka ardhur koha t’u japim atyre një mësim”.
Dhe ministri i Jashtëm izraelit Eli Cohen, i cili ishte në Kombet e Bashkuara të martën, tha se nuk do të takohet me Guterres dhe se “nuk ka vend për një qasje të balancuar”.
Discussion about this post