Çështja Bora-Donald dhe marrëdhënia e këtij të fundit me Beatrixën, është një nga temat më të diskutuara në rrjet dhe versione të ndryshme kanë dalë rreth tyre, ku disa fajësojnë Donaldin dhe disa produksionin e BBV.
Lidhur me këtë çështje janë ndezur debatet sot edhe në emisionin ‘Fun Club’, ku prezantuesja Dojna Mema ka treguar të vërtetën mbi temën që Donaldi priste një shenjë nga Bora pas varëses që ai i dhuroi për përvjetor.
Moderatorja tha se që Bora ka dashur të dërgojë diçka në shtëpi dhe s’është lejuar nga produksioni, pasi duhet ta bënte atë në mënyrë publike dhe të rregullt, gjë që nuk është pëlqyer nga Bora. “Atëherë, të sqarojmë diçka shumë të rëndësishme. Bora, duke qenë se punon në Top dhe njeh njerëz, ka dashur të fusë diçka ‘nën dorë’ në shtëpi. Kur është marrë vesh nga produksioni, nuk është lejuar. Më pas, i është propozuar ta japë këtë gjë në mënyrë të rregullt, siç është bërë për çdo banor, por ajo për të ruajtur privatësinë, nuk ka pranuar ta bëjë”, ka thënë Dojna.
Por kjo deklaratë është kundërshtuar nga Anaidi, i cili ka thënë se nuk është aspak dakord, duke thënë se produksioni është fajtor, pasi respekton rregullat vetëm atëherë kur dëshiron vetë.
Discussion about this post