Vajza e përdhunuar në Vlorë thyen heshtjen: S’kam ndryshuar dëshminë

Vajza 26-vjeçare e cila u përdhunua nga 4 të rinj në Vlorë ka thyer heshtjen ditën e sotme, duke thelluar më tej skandalin.

Vajza është droguar dhe më pas përdhunuar nga 3 persona. Vetë viktima ka vendosur të thyejë heshtjen dhe të flasë në emisionin “Me Zemër të Hapur”.

E reja ka treguar se familjarët e Oltjan Tahirit e kanë kërcënuar të tërheqë dëshminë.

“Nesër do të shkoj përsëri në Polici. Dëshmia është dhënë dy herë dhe është e njëjta dëshmi, që atyre personave nuk ju falet. Më ka ardhur mamaja e njërit nga ata dhe shoku i njërit prej tyre.

Më kanë kërkuar të ndryshoj dëshminë dhe më kanë kërcënuar, të tërheq dëshminë dhe denoncimin. Nuk kam qenë në gjendje të kthej përgjigje. Ishin dy persona.

Unë e dija të ndarë jo të martuar, si çdo person e kupton. Alkooli dhe lëndët narkotike janë pirë te lokali Barak. Më pas nuk mbaj më mend se çfarë kanë hedhur në pije.

Drogën ma dhanë me detyrim. Ka qenë ora 9:30 e darkës. Kanë qenë O… A…dhe G… Mbaj mend që ata ishin te lokali. Kur më doli droga, doktorët më thanë që je abuzuar, nuk mbaj mend gjë tjetër. “-tha vajza.