Prapaskenat/ Ja si u caktua Simoni avokat i Berishës, Gjokutaj zbulon detaje

Avokati Genc Gjokutaj ka treguar të tjera detaje lidhur me caktimin e një avokati kryesisht nga gjyqtarja Irena Gjoka, i cili do të mbrojë ish-Kryeministrin Sali Berisha, në atë që njihet si seanca e rivlerësimit të masës së sigurisë.

Masat e sigurisë që janë vendosur nga deputetit Berisha, si ajo “detyrim paraqitje” ashtu edhe tjetra që i ndalon të dalë jashtë vendit, janë cilësuar si anti-Kushtetuese nga avokatët e ish-Kryeministrit, pasi SPAK nuk kishte asnjë autorizim nga Kuvendit që mund të kufizonte liritë e një deputeti.

Ndërkohë Gjokutaj, njëri nga dy avokatët e Berishës, ka sqaruar se GJKKO e kishte paracaktuar vendimin për gjetjen e një avokati kryesisht.

Duke folur në “Task Force”, Gjokutaj tha se gjyqtarja Gjoka, për të cilën nga ish-Kryeministri Berisha ka edhe një kallzim në SPAK për shpërdorim detyre, si dhe është kërkuar zëvendësimi i saj, është tërhequr për 1 orë nga ëështja, dhe më pas ka njoftuar për emërimin e një avokati kryesisht.

Madje Gjokutaj shprehet se ky avokat ishte i paracaktuar pasi ëuditërisht ai u gjet brenda gjykatës.

“U munduam në këtë seancë për të nxjerrë GJKKO dhe SPAK nga ngërëi ku vetë janë future. Kërkuam që të na jepte materialin dhe aktet në mënyrë elektronike materialin që të vijojmë seancën.

Pati një nervozizëm dhe gjyqtarja Irena Gjoka, e cila është tërhequr 1 orë, sa ka thirrur këtë avokatin Simoni, sepse siç duket e ka parashikuar, sepse një gjyqtare që të tërhiqet 1 orë, e di se çfarë do të bëjë dhe e ka thirrur këtë Simonin.

Ai është gjendur jashtë orarit zyrtar, çuditërisht menjëherë, me zëdhënësen e gjykatës në sallë. Kjo ishte tabloja e sotme.

Ky është avokati që do të mbrojë interesat e Berishës dhe do të rrëzojë padinë e Taulant Ballës dhe do të përballet me SPAK-un për të mbrojtur interesat e Berishës’, tha Genc Gjokutaj në emisionin Task Force.

Më herët avokati tha se i gjithë procesi ndaj Berishës është në shkelje të procedurave, sikundër e cilësoi caktimin e një avokati kryesisht si shkeljen më të vogël, në të gjithë procesin që ka nisur.