Shtyhet seanca në GJKKO për Sali Berishën, ja arsyeja

Është shtyrë sërish seanca në GJKKO ndaj vlerësimit të masës “detyrim paraqitje” për ish-kryeministrin Sali Berisha.

Seanca do të mbahet sot rreth orës 15:00. Shkak për shtyrjen është bërë që dy avokatet e shtetit, Jalldiz Kastrati dhe Rabije Cenalia, të njihen me dosjen.

Njoftimi

-Në datën 26.10.2023, ora 10.30, në Gjykatën e Posaçme të Shkallës së Parë për Korrupsionin dhe Krimin e Organizuar, u çel seanca gjyqësore për vijimin e shqyrtimit të kërkesës së paraqitur nga Prokuroria e Posaçme, me objekt marrjen në pyetje të shtetasit nën hetim Sali Berisha.

-Gjykata pasi verifikoi praninë e palëve, konstatoi se nuk ishte paraqitur personalisht i hetuari Sali Berisha dhe se ishin paraqitur 2 mbrojtësit e thirrur për caktim kryesisht nga gjykata, av.Jalldiz Kastrati dhe av.Rabije Cenalia.

Nga ana e gjykatës, iu la kohë mbrojtësve për tu njohur me aktet e procedimit penal të fazës së hetimit paraprak, të përcjella nga ana e Prokurorisë së Posaçme dhe për këtë arsye ndërpreu shqyrtimin gjyqësor, për të rifilluar diten e sotme, në orën 15.00.