Ka dhënë dorëheqjen e parevokueshme nga detyra e drejtorit të IEPV Vlorë, Engjëllush Avdulaj.
Ai ka paraqitur kërkesën për dorëheqje nga detyra si Drejtor i IEVP- Vlorë në një letër drejtuar Drejtorit të Përgjithshëm të Burgjeve, Admir Abrija dhe ministrit të Drejtësisë, Ulsi Manja.
Engjëllush Avdulaj argumenton se vendimin për t’u dorëhequr e ka marrë pasi se ndodhet përpara një oferte nga sektori publik, e cila sipas tij, është një sfidë e re për karrierën e tij profesionale.
Ai thekson se pas më shumë se 1 vit e gjysmë në këtë post, ka vendosur të pranojë këtë kapërcim profesional të një niveli tjetër.
“Unë Engjëllush Avdulaj, jam emëruar në detyrën e Drejtorit të IEVP – Vlorë në datë 02.02.2021. Aktualisht ndodhem përpara një oferte nga sektori publik e cila është një sfidë e re për karrierën time profesionale.
Me keqardhje ju njoftoj se unë kam vendosur ta pranoj këtë kapërcim profesional të një niveli tjetër dhe për këtë arsye po ju paraqes dorëheqjen time të parevokueshme nga detyra e Drejtorit të IEVP – Vlorë. Duke ju përshëndetur ju dhe gjithë stafin e Drejtorisë së Përgjithshme të Burgjeve për kohën e punës dhe bashkëpunimin”, shkruan ai.
Discussion about this post